ഖത്തറിലെ ആരോഗ്യസംരക്ഷണ സംവിധാനത്തിലുടനീളമുള്ള മെഡിക്കൽ ടീമുകൾ വൈറസ് വ്യാപനം ചെറുക്കുന്നതിന് അക്ഷീണം പ്രയത്നിച്ചുകൊണ്ടിരിക്കുകയാണ്, കൂടാതെ കോവിഡ് -19 ശാരീരിക ലക്ഷണങ്ങൾ ഉള്ള ആർക്കും ഏറ്റവും മികച്ച വൈദ്യസഹായം ലഭിക്കുന്നുണ്ടെന്ന് ഉറപ്പുവരുത്തുകയും ചെയ്യുന്നു.
എന്നിരുന്നാലും, ആളുകളുടെ മാനസികാരോഗ്യത്തിനും മുൻഗണന നൽകേണ്ടുന്നത് ഇപ്പോൾ വളരെ പ്രധാനമാണ്. നിരവധി ആളുകൾ നിലവിലെ അവസ്ഥയിൽ ദുഃഖിതരാണെന്ന് മനസ്സിലാക്കാവുന്നതേയുള്ളു, പലർക്കും ഭയം, ആശയക്കുഴപ്പം, ഉത്കണ്ഠ, വിഷാദം എന്നിവ അനുഭവപ്പെടാം. വിഷാദം, ഉത്കണ്ഠ എന്നിവയുടെ ലക്ഷണങ്ങൾ പലപ്പോഴും കാണാൻ സാധിക്കില്ല, പക്ഷേ ഒരു വ്യക്തിയിൽ അത് ചെലുത്തുന്ന സ്വാധീനത്തെ കുറച്ച് കാണരുത്.
സാധാരണ സാഹചര്യങ്ങളിൽ പോലും നമ്മളിൽ പലരും ഏതെങ്കിലും തരത്തിലുള്ള സമ്മർദ്ദമോ മാനസിക ക്ലേശങ്ങളോ അനുഭവിക്കാറുണ്ട്. എന്നാൽ കോവിഡ്-19 ന്റെ ആവിർഭാവവും അത് നമ്മുടെ ജീവിതത്തെ ബാധിക്കുന്നതും സമ്മർദ്ദത്തിനും ഉത്കണ്ഠയ്ക്കും ഒരു പ്രധാന കാരണമാകും. ഇത്തരം പ്രയാസം നിറഞ്ഞ കാലം കടന്നുപോകുമെന്നും ജീവിതം സാധരണ നിലയിലേക്ക് എത്തുമെന്നും നാം ഓർമ്മിക്കേണ്ടതാണ്.
നിങ്ങൾക്ക് സമ്മർദ്ദമോ ഉത്കണ്ഠയോ തോന്നുന്നുണ്ടെങ്കിൽ, ഏറ്റവും നല്ല കാര്യം ആരോടെങ്കിലും സഹായം ആവശ്യപ്പെടുക എന്നതാണ്.
