മാർച്ചിൽ “ഖത്തറിനുവേണ്ടി” കാമ്പയിൻ ആരംഭിച്ചതിനുശേഷം COVID-19 നെതിരെയുള്ള ഖത്തറിന്റെ പോരാട്ടത്തിൽ അണിചേരാനായി 35,000 ലധികം പൗരന്മാരും നിവാസികളും സന്നദ്ധപ്രവർത്തനങ്ങൾക്ക് മുന്നിട്ടിറങ്ങി.
വോളണ്ടിയർ സെന്ററിൽ വോളന്റിയർമാരെ പരിശോധിക്കുകയും വിജയകരമായ അപേക്ഷകരെ മെഡിക്കൽ യോഗ്യത / പശ്ചാത്തലം ഉണ്ടോ ഇല്ലയോ എന്നതിന് അനുസരിച്ച് തരം തിരിക്കുകയും ചെയ്യുന്നു. 125 ലധികം വർക്ക് ഷോപ്പുകൾ വഴി ആയിരക്കണക്കിന് സന്നദ്ധപ്രവർത്തകർക്ക് പരിശീലനം നൽകി.
രാജ്യത്തുടനീളമുള്ള ആരോഗ്യ കേന്ദ്രങ്ങളിലെ ക്ലിനിക്കൽ മെഡിക്കൽ പരിശീലനം, അനുബന്ധ ആരോഗ്യ പരിശീലനം, പൊതുജനാരോഗ്യ അവബോധം, ലോജിസ്റ്റിക്സ് എന്നിവയെ പിന്തുണയ്ക്കുക വോളന്റിയർമാരുടെ ചുമതലകളിൽ ഉൾപ്പെടുന്നു.
“ഇത് നമ്മുടെ രാജ്യത്തിനും ലോകത്തിനും ഏറെ പ്രയാസകരമായ സമയമാണ്, കൊറോണ വൈറസിനെതിരെ പോരാടാൻ സർക്കാരിനെയും ഖത്തറിനെയും സഹായിക്കാൻ എന്റെ സമയം നൽകാൻ ഞാൻ ആഗ്രഹിച്ചു. ഞാൻ ജനിച്ചത് ഖത്തറിലാണ്, എനിക്കുള്ളതെല്ലാം ഖത്തർ നൽകിയതാണ്. എനിക്ക് ഈ രാജ്യം നൽകിയതിനെല്ലാം തിരിച്ച് നൽകാനുള്ള ഒരു അവസരമാണ് ഈ സന്നദ്ധ പ്രവർത്തനം എന്ന് ഞാൻ വിശ്വസിക്കുന്നു. ഈ പദ്ധതി പ്രഖ്യാപിച്ചപ്പോൾ തന്നെ ഞാൻ ഒരു വോളന്റിയറായി രജിസ്റ്റർ ചെയ്തു“.
വോളന്റിയർ നിസ്രീൻ ബത്ത
“നമ്മൾ വളരെ നിർണായകമായ ഒരു കാലഘട്ടത്തിലാണ്, സമൂഹത്തിന് തിരികെ നൽകേണ്ടത് വളരെ പ്രധാനമാണ്, അതിനാൽ COVID-19 ഏറ്റവും കൂടുതൽ ബാധിക്കുന്ന പ്രായമായവരെ സഹായിക്കാൻ ഞങ്ങൾക്ക് കഴിയും.”
വോളണ്ടിയർ ലൂമ ദിയാബ്