ഉ. ഖത്തറിന് നിലവിലെ സാഹചര്യം കൈകാര്യം ചെയ്യാൻ ആവശ്യമായതിലും അധികം ആരോഗ്യസേവന സംവിധാനങ്ങളും ജീവനക്കാരും ഉണ്ട്.
രാജ്യമുടനീളമുള്ള ആരോഗ്യപ്രവർത്തകർക്ക് ഇത്തരമൊരു പകർച്ചവ്യാധി പടർന്നു പിടിക്കുന്ന ഘട്ടത്തിൽ കാര്യക്ഷമമായി പ്രവർത്തിക്കുന്നതിനുള്ള പ്രത്യേക പരിശീലനം നൽകിയിട്ടുണ്ട്. അണുബാധ തടയൽ, നിയന്ത്രണം, ഓരോ കേസും കൈകാര്യം ചെയ്യൽ, ലാബറട്ടറി നടപടിക്രമങ്ങൾ എന്നിവയ്ക്ക് മുൻ‌ഗണന നൽകിയാണ് ഈ പരിശീലനങ്ങൾ നൽകിയിരിക്കുന്നത്.
ഹസം മെബൈരീക് ജനറൽ ഹോസ്പിറ്റൽ കൊവിഡ്-19 രോഗികൾക്കുള്ള പ്രത്യേക കേന്ദ്രമായി തയ്യാർ ചെയ്യുകയും, അവിടത്തെ കിടക്കകളുടെ എണ്ണം മൂന്നിരട്ടി വർദ്ധിപ്പിക്കുകയും ചെയ്തു. കൂടാതെ, റാസ് ലഫാൻ, മെസയീദ് ഹോസ്പിറ്റലുകളും അവരുടെ ചികിത്സാ ശേഷി വർദ്ധിപ്പിച്ച്, ഖത്തറിലെ കടുത്ത കൊവിഡ്-19 ബാധിതർക്കുള്ള ചികിത്സ നൽകാൻ പ്രാപ്തമാക്കുകയും ചെയ്തു. ആവശ്യമെങ്കിൽ രാജ്യം അതിന്റെ ചികിത്സാ സേവന ശേഷി കൂടുതൽ വർദ്ധിപ്പിക്കാനും, വിസ്തൃതമാക്കുവാനും പ്രാപ്തമാണ്.
പ്രത്യേക ചികിത്സ ആവശ്യമുള്ള കൊവിഡ്-19 രോഗികൾക്ക് സഹായം നൽകാനുള്ള എല്ലാ സൌകര്യങ്ങളും, ശ്വസന സഹായ യന്ത്രങ്ങളും ഖത്തറിലുണ്ട്. ഐ.സി.യു വിൽ കിടത്തി ചികിത്സിക്കേണ്ട കൊവിഡ്-19 രോഗികളുടെ എണ്ണം വർദ്ധിക്കുകയാണെങ്കിൽ, എച്ച്.എം.സിയ്ക്ക് ആരോഗ്യ വകുപ്പിന്റെ മറ്റു വിഭാഗങ്ങളിൽ നിന്ന് കൂടുതൽ ജീവനക്കാരെ കൊണ്ടുവന്ന് അടിയന്തിര ഘട്ടം തരണം ചെയ്യാൻ സഹായിക്കുന്ന പദ്ധതി തയ്യാറാക്കിയിട്ടുണ്ട്.
ആരോഗ്യ സേവന സൌകര്യങ്ങളും, സജ്ജരായ ജീവനക്കാരും സർക്കാർ കൊവിഡ്-19 പടർന്നു പിടിക്കുന്നത് തടയുന്നതിന്റെ ഭാഗമായുള്ള തയ്യാറെടുപ്പുകളിൽ ഉൾപ്പെടുന്നു. ഇതിൽ വിദൂര പ്രദേശങ്ങളിൽ ഉള്ളവർക്ക് ആരോഗ്യ സേവനം, പൊതുജനങ്ങൾക്കിടയിൽ കൂടുതൽ അവബോധം വളർത്തുക, സ്ക്രീനിങുകൾ നടത്തുക, അണുബാധയുടെ സഞ്ചാരമാർഗ്ഗം കണ്ടെത്തുക എന്നിവയ്ക്കുള്ള സജ്ജീകരണങ്ങളും ഉൾപ്പെടുന്നു.
കൊറോണവൈറസ് ബാധ 2019 (കൊവിഡ്-19 ) നെക്കുറിച്ചു കൂടുതലറിയാൻ www.moph.gov.qa സന്ദർശിക്കുകയോ, 16000 എന്ന നമ്പറിൽ വിളിക്കുകയോ ചെയ്യുക
